ରାଜ୍ୟରେ ବଢୁଛି ତାପମାତ୍ରା, ଆଗାମୀ ଦିନରେ ୩ ରୁ ୪ ଡିଗ୍ରୀ ବଢିବ।

ଆସନ୍ତା ୨୩ ତାରିଖରେ ମାଲକାନଗିରି, କୋରାପୁଟ, ନବରଙ୍ଗପୁର, କଳାହାଣ୍ଡି, ମୟୂରଭଞ୍ଜ, କେନ୍ଦୁଝର, ବାଲେଶ୍ବର ଓ ଭଦ୍ରକ ଜିଲ୍ଲାରେ ଘଡ଼ଘଡ଼ି ସହ ୩୦ରୁ ୪୦ କିମି ବେଗରେ ପବନ ବହିବା ସମ୍ଭାବନା।

ବିଶ୍ବରେ ଅଭାବ ଦେଖାଦେଇଥିବା ହାଇ ପରଫର୍ମାନ୍ସ ମ୍ୟାଗ୍‌ନେଟ୍‌ ଓ ମେମୋରି ଚିପ୍ ରାଜ୍ୟରେ ଉତ୍ପାଦନ କରାଯିବ, କହିଲେ ମୁଖ୍ୟମନ୍ତ୍ରୀ ମାଝୀ।

ଉଚ୍ଚ କ୍ଷମତା ବୈଠକରେ ୪୪,୨୦୦ କୋଟି ଟଙ୍କାର ପୁଞ୍ଜି ନିବେଶକୁ ମଞ୍ଜୁରୀ। ସୃଷ୍ଟି ହେବ ପ୍ରାୟ ୯,୦୦୦ ଚାକିରୀ।

ଗ୍ରୀଷ୍ମ ମୁକାବିଲା ପାଇଁ ଜିଲ୍ଲା ଶିକ୍ଷା ଅଧିକାରୀମାନଙ୍କୁ ବିଭାଗର ଚିଠି, ପାନୀୟ ଜଳ ଏବଂ ଓଆରଏସ ପ୍ୟାକେଟ୍ ରଖିବା ପାଇଁ ନିର୍ଦ୍ଦେଶ।

ଓଡ଼ିଶାରେ ମିଳିବ ବିଦେଶୀ ଭିସା ସୁବିଧା, ଭୁବନେଶ୍ୱରରେ ଖୋଲିବ ‘ଭିଏଫଏସ ଗ୍ଲୋବାଲ ଭିସା ଆପ୍ଲିକେସନ ସେଣ୍ଟର’।

ପୁରୀ ଶ୍ରୀଜଗନ୍ନାଥ ମନ୍ଦିର ହୁଣ୍ଡିରୁ ଗତବର୍ଷ ୧୮ କୋଟି ୫୯ ଲକ୍ଷ ୨୩ ହଜାର ଟଙ୍କା ସଂଗ୍ରହ ହୋଇଛି।

ରାଜ୍ୟକୁ ଋଣବୋଝରେ ବୁଡାଇଦେଇ ସରକାର ରାଜ୍ୟବାସୀଙ୍କୁ ସୁନେଲି ସ୍ୱପ୍ନ ଦେଖାଉଛନ୍ତି ବୋଲି କହିଲା ବିଜେଡି।

କଟକରେ ଶୈଳବାଳା କଲେଜକୁ ବିଶ୍ୱବିଦ୍ୟାଳୟ କରିବା ଦାବିରେ ରାସ୍ତାରେ ଛାତ୍ରୀ। ଶାନ୍ତି ପାଇଁ ପୁଲିସ୍ ମୃତୟନ।

ରାୟଗଡ଼ା ଜିଲ୍ଲା ମୁନିଗୁଡ଼ାରେ ଗହଣା ଚୋରି ହେବାର ୨୪ ଘଣ୍ଟା ମଧ୍ୟରେ ଗିରଫ ହେଲେ ୩ ଡକାୟତ।

ଭଦ୍ରକରେ ଅର୍ଲି ଚାଇଲ୍‌ଡହୁଡ୍‌ କେୟାର୍‌ ଏଜୁକେସନ୍‌ ପଢି ଚାକିରି ନ ମିଳିବାରୁ ଜିଲ୍ଲାପାଳଙ୍କ କାର୍ଯ୍ୟାଳୟରେ ଯୁବତୀଙ୍କ ଆତ୍ମଦାହ ଉଦ୍ୟମ।

ବୌଦ୍ଧ ଜିଲ୍ଲା ପୁରୁଣା କଟକରେ ପୁଣି ବାଣ ବିସ୍ଫୋରଣ, ଆଲୋକ ଦତ୍ତ କାଣ୍ଟି ଥାନାରେ ଅଭିଯୁକ୍ତ ଅଟକ।

ଆଉ ବୋତଲ ଭାଙ୍ଗି ପାରିବେନି ମଦୁଆ। କାଚ ବୋତଲ ବଦଳରେ ମୋଟା କାଗଜ ଖୋଳରେ ମଦ ମିଳିବ ବୋଲି କହିଲେ ଅବକାରୀ ମନ୍ତ୍ରୀ।

ଢେଙ୍କାନାଳ ଗଜମରା ଅଞ୍ଚଳରେ ବୁଲୁଛି ଦନ୍ତା ହାତୀ, ଭୟରେ ଘରୁ ବାହାରୁ ନାହାନ୍ତି ଲୋକେ।

ଆଜି ସୁଦ୍ଧା ରାଜ୍ୟରେ ୪୦କେଜି ବ୍ରାଉନସୁଗାର ଜବତ, ୪୮୧ ଜଣ ଗିରଫ ହୋଇଛନ୍ତି।

ଭୁବନେଶ୍ୱରରେ ଓୟୋ ରୁମରେ ସଫ୍ଟୱେର ଇଞ୍ଜିନିୟରଙ୍କ ମୃତ୍ୟୁ, ସିସିଟିଭି ଫୁଟେଜ ଆଧାରରେ ଚାଲିଛି ତଦନ୍ତ।

ଓଡ଼ିଶା ହାଇକୋର୍ଟ କହିଲେ, ବିବାହିତା ମହିଳାଙ୍କ ସହମତିରେ ଘରକୁ ଯାଇ ସମ୍ପର୍କ ରଖିବା ଆଇନ ସମ୍ମତ।

କେନ୍ଦ୍ରାପଡା ଦୁଷ୍କର୍ମ ଘଟଣାରେ ପୀଡିତାଙ୍କୁ ପଚରାଉଚରା ପରେ ତଦନ୍ତ କରୁଛି ପୋଲିସ।

ନୂଆପଡ଼ା ଜିଲ୍ଲା ବେଲଟୁକୁରୀ ଅଞ୍ଚଳର ମାଟ୍ରିକ ପରୀକ୍ଷା ଦେଉଥିବା ଛାତ୍ରୀ କଲା ଆତ୍ମହତ୍ୟା। ମା’ବାପା ଯାଇଛନ୍ତି ଦାଦନ।

ବାଲେଶ୍ଵର ବସ୍ତା ୧୬ ନମ୍ବର ଜାତୀୟ ରାଜପଥରେ ମାଡ଼ିଗଲା ଟ୍ରକ୍, ଚାଲିଗଲା ବାଇକ୍ ଆରୋହୀଙ୍କ ଜୀବନ।

ଭୁବନେଶ୍ୱର ଉପକଣ୍ଠ ବାଲିପାଟଣାରେ ଶୋଇବା ଘରେ ବେଡ଼ସିଟ୍‌ ଲଗାଇ ଝୁଲି ପଡ଼ିଲେ ଫିଜିଓଥେରାପି ଛାତ୍ର।

ବାଲେଶ୍ଵର ଜିଲ୍ଲା ବହାବଲପୁରରେ ମଦ ବିରୋଧରେ ତାତିଲେ ଆଦିବାସୀ ମହିଳା। ସାମୁଦ୍ରିକ ଥାନା କଷାଫଳ ପାଖରେ ଚାଲିଛି ଦେଶୀ ମଦ କାରବାର।

ଛାତିଶଗଡ଼ ସରଣ୍ଡା ଜଙ୍ଗଲରେ ଲ୍ୟାଣ୍ଡମାଇନ ବିସ୍ଫୋରଣରେ ୨ ଯବାନ ଆହତ, ଜଣେ ଗୁରୁତର।

ଗୁଜୁରାଟରେ ବିବାହ ପଞ୍ଜିକରଣ ନିୟମ ବଦଳିବ। ବାପା ମାଙ୍କୁ ନଜଣାଇ ବିବାହ କରିପାରିବେ ନାହିଁ ପୁଅଝିଅ।

ସ୍ତ୍ରୀଙ୍କୁ ଚାପୁଡ଼ା ମାରିବା ନିଷ୍ଠୁରତା ନୁହେଁ ବୋଲି ଗୁଜରାଟ ହାଇକୋର୍ଟଙ୍କ ବିବାଦୀୟ ରାୟ।

ୟୁପି ଲଖିମପୁରରେ ଜାମିନରେ ଆସି ଦୁଷ୍କର୍ମ ପୀଡ଼ିତାଙ୍କୁ ଅଭିଯୁକ୍ତ ହତ୍ୟା ଧମକ ଦେଲା। ୧୪ ବର୍ଷର ପୀଡିତା ନାବାଳିକା ଆତ୍ମହତ୍ୟା କଲା।

ଆସନ୍ତା ଏପ୍ରିଲ ପହିଲାରୁ ଦେଶର ବିଭିନ୍ନ ଜାତୀୟ ରାଜପଥ ଟୋଲ୍‌ ପ୍ଲାଜାଗୁଡ଼ିକରେ ନଗଦ ଟଙ୍କା କାରବାର ବନ୍ଦ ହେବ।

ଭାରତୀୟ ମହିଳା କ୍ରିକେଟ୍‌ ଦଳର ଐତିହାସିକ ଶୃଙ୍ଖଳା ବିଜୟ, ୨-୧ରେ ଅଷ୍ଟ୍ରେଲିଆକୁ ହରାଇଲା।

ଏଫ୍‌ଆଇଏଚ୍‌ ପ୍ରୋ ଲିଗ୍‌ ପୁରୁଷ ହକିରେ ଚାରିଟି ଯାକ ମ୍ୟାଚ୍‌ ହାରିଥିବା ଭାରତୀୟ ଦଳ ପୁଣି ସ୍ପେନ ଠାରୁ ହାରିଲା।

ଭାରତ ବ୍ରାଜିଲ ଆଲୋଚନାରେ ୨୦ ବିଲିୟନ ଡଲାର ବାଣିଜ୍ୟ ଲକ୍ଷ୍ୟ। ଭାରତର ଖଣିଜ ସମ୍ପଦ ରପ୍ତାନୀ ହେବ।

ଏଆଇ ଘୋଷଣାନାମାରେ ୮୬ ଦେଶର ସ୍ବାକ୍ଷର। ଏଆଇ ହେବ ମିଳିତ ଦାୟିତ୍ବ, ସମାଜ ମଙ୍ଗଳ ବିକାଶ ଟୁଲ୍‌ ଭାବେ ବ୍ୟବହାର ହେବ।

କାନାଡାରେ ଅପହରଣ ଓ ବଟି ଆଦାୟ ଅଭିଯୋଗରେ ୨ ଶିଖ ଭାରତୀୟ ଗିରଫ, ଜଣେ ଫେରାର।

ଗତବର୍ଷ ଏଇ ସମୟରେ
ରାଜ୍ୟର ଅର୍ଥନୀତି ଅଭିବୃଦ୍ଧି ହାର ୮.୭% ରୁ ୭.୨%କୁ ହ୍ରାସ ପାଇଥିଲା।

ମାଣ୍ଡିଆ ବାଜରା ଓ ଯଅରୁ ମଦ ତିଆରି ପାଇଁ ଶିଳ୍ପପତିଙ୍କୁ ସବ୍‌ସିଡି ଦେବେ କହିଥିଲେ ରାଜ୍ୟ ସରକାର।

ରାଜ୍ୟରେ ବୃହତ ଶିଳ୍ପରୁ ୪ଟି କମ୍ପାନିଙ୍କ ଏମ୍‌ଓୟୁ ପ୍ରତ୍ୟାହାର, ପାଞ୍ଚଟି କାରଖାନା ଅଚଳ, ୧୧ଟି ଆରମ୍ଭ ହୋଇନଥିଲା।

ରାଜ୍ୟର ୮୦ଟି କର୍ମ ନିୟୋଜନ କାର୍ଯ୍ୟାଳୟରେ ୧୧.୯୭ଲକ୍ଷ ପଞ୍ଜିକୃତ, ନିଯୁକ୍ତି ପାଇଥିଲେ ୨୨୯୪।

ଝାରସୁଗୁଡାରେ ନବ ଦାସଙ୍କ ରୋଷେୟା ମାମଲାର ଫାଇଲ ଖୋଲିଥିଲା।

===================
ଆଜି ବିଶ୍ୱ ଚିନ୍ତନ ଦିବସ

ଆଜି ଜନ୍ମଦିନ: ଜର୍ଜ ୱାଶିଂଟନ, ଇଫତେକାର, ସୁରଜ ବଡ଼ଜାତ୍ୟା, ଜନ ମୁଲର ହିଲ (ଗଣିତଜ୍ଞ), ସ୍ୱାମୀ ଶ୍ରଦ୍ଧାନନ୍ଦ, ସ୍ୱାମୀ ସହଜାନନ୍ଦ ସରସ୍ୱତୀ, ନିରଞ୍ଜନ ପଟନାୟକ (କଂଗ୍ରେସ), ପ୍ରଦୀପ ମାଝୀ (ନେତା, ନବରଙ୍ଗପୁର)

ଆଜି ତିରୋଧାନ: କସ୍ତୁରବା ଗାନ୍ଧୀ, ଆବୁଲ କାଲାମ ଆଜାଦ, ଶ୍ରୀରାମଚନ୍ଦ୍ର ଭଞ୍ଜଦେଓ

ଇତିହାସରେ ଆଜି: (୧୯୦୭) ଲଣ୍ଡନରେ ପ୍ରଥମ ମିଟର ଲଗା ଟ୍ୟାକ୍ସି ଚାଲିଲା/ (୧୯୭୨) ବାଙ୍ଗଲାଦେଶକୁ ମାନ୍ୟତା ଦେଲା ପାକିସ୍ତାନ/ (୨୦୦୫) ଇରାନ ଭୁକମ୍ପରେ ୫୦୦ ମୃତ/

ବନ୍ଦେ ଉତ୍କଳ ଜନନୀ 🪻🌻🪻

ମାଗଣାରେ ମୋବାଇଲ ଓ ଟିଭିରେ 300+ ଚାନେଲ ଦେଖନ୍ତୁ।
ଡାଉନଲୋଡ ଲିଙ୍କ:
https://play.google.com/store/apps/details?id=com.app.tvzone