ହରି ନାରାୟଣ ଦାସଙ୍କ ରିପୋର୍ଟ
ରାୟଗଡ଼ା ଜିଲ୍ଲା ଚାନ୍ଦିଲି ଥାନା ଅନ୍ତର୍ଗତ ଜେ.କେ ପୁର ଅଂଚଳରେ ରହିଥିବା ନାଗାବଳି ସେତୁ ନିକଟରେ ଆଜି ଆଉ ବଡ ସଡକ ଦୁର୍ଘଟଣା ଘଟିଛି | ଉକ୍ତ ସଡକ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣକ ବ୍ୟକ୍ତି ଗୁରୁତର ରହିଥିବା ସୂଚନା ମିଳିଛି | ସୂଚନାରୁ ପ୍ରକାଶ ଯେ ଆଜି ଶେଷଖାଳ ଥାନା ଅନ୍ତର୍ଗତ କସୁପାଡୁ ଗ୍ରାମର 2ଟି ଯୁବକ ଆଜି ନୂତନ ପୋଷାକ କିଣିବା ନିମନ୍ତେ ରାୟଗଡା ଅଭିମୁଖେ ଆସୁଥିଲେ | ଆସିବା ସମୟରେ କୌଣସି କାରଣରୁ ବାଇକ ଚାଳକ ଭାରସାମ୍ୟ ହରାଇ ରାୟଗଡ଼ା ଜେ.କେ କାଗଜ କଳରୁ କାଗଜ ବୋଝେଇ ରାଇପୁର ଯାଉଥିବା ଯାଉଥିବା ଟ୍ରକ ଓଡି 18 କେ 4654 ର ଚକା ମଧ୍ୟରେ ପଶିଥିଲେ | ଏଥିରେ ଅଜିତ ଜିଲାକାରାଙ୍କର (22) ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିବା ବେଳେ ଅନ୍ୟ ଏକ ଯୁବକ ଲିଟୁ ଜିଲାକାରା ଗୁରୁତର ଆହତ ହୋଇ ରାୟଗଡା ଜିଲ୍ଲା ମୂଖ୍ୟ ଚିକିତ୍ସାଳୟରେ ଭର୍ତି ହୋଇଥିବା ସୂଚନା ମିଳିଛି.ଉକ୍ତ ଘଟଣା ସ୍ଥଳରେ ଚାନ୍ଦିଲି ଥାନା ପୋଲିସ ପହଂଚି ତଦନ୍ତ ଜାରି ରଖିଛି |